open video

Müşahidə Şurası

Səhmdarların Ümumi Yığıncağı tərəfindən seçilən və səhmdar cəmiyyətin idarə heyətinin fəaliyyətini tənzimləyən orqandır. Müşahidə Şurası bankın fəaliyyəti üzərində ümumi rəhbərliyi həyata keçirir. Müşahidə Şurasının səlahiyyətlərinə bank fəaliyyətinin prioritet istiqamətlərinin müəyyən olunması, Bankın İdarə Heyətinin sədrinin və üzvlərinin seçilməsi və onların səlahiyyətlərinin vaxtından əvvəl dayandırılması, Səhmdarların Ümumi Yığıncağının çağırılması və Səhmdarların Ümumi Yığıncağının səlahiyyətlərinə aid olmayan digər məsələlər daxildir.
Müşahidə Şurasının sədri onun üzvləri sırasından seçilir.

Cənab
Orhan Aytemiz

Sədr

AccessBank yaradılandan (2002-ci ilin iyun ayından) bəri AccessBank-ın Müşahidə Şurasının üzvüdür, 2011-ci ilin oktyabr ayından isə bankın Müşahidə Şurasının sədri vəzifəsində çalışır. 1999-cu ildən bəri, Yunanıstanın Saloniki şəhərində yerləşən Qara Dəniz Ticarət və İnkişaf Bankının (QDTİB) Layihə Maliyyə qrupunun Direktoru olub və burada o, QDTİB-nın fəaliyyət göstərdiyi ümumi sənaye, nəqliyyat, turizm və daşınmaz əmlak sektorlarında layihə və korporativ maliyyə və kapital investisiyaları ilə məşğul olub. Onun əvvəlki iş təcrübəsi Türk Eximbank və Türkiyə İnkişaf Bankı ilə bağlıdır. Cənab Aytemiz Şərqi Miçiqan Universitetində sosiologiya üzrə magistr dərəcəsi, Yaxın Şərq Texniki Universitetində isə Biznes Administrasiyası sahəsində bakalavr dərəcəsi alıb. O, milliyyətcə türkdür, ingilis və türk dillərini mükəmməl bilir.

Cənab
Sayed Aftab Ahmed

AccessBank yaradılandan (2002-ci ilin iyun ayından) bəri AccessBank-ın Müşahidə Şurasının üzvüdür. Cənab Ahmed 1989-cu ilin avqust ayından 2006-cı ilin dekabr ayınadək Beynəlxalq Maliyyə Korporasiyasında (BMK) çalışıb. BMK-də tutduğu son vəzifə Baş Menecer olub və BMK-nın qlobal mikromaliyyə strategiyasının və investisiya proqramlarının həyata keçirilməsi ilə məşğul olub. Korporasiyanı tərk etdikdən sonra cənab Ahmed Avropanın və Uzaq Şərqin digər 5 maliyyə institutunun və fondunun müşahidə şuralarının üzvü olub. Cənab Ahmed iqtisadiyyat sahəsində magistr dərəcəsinə malikdir. O, milliyyətcə pakistanlıdır, hal-hazırda ABŞ-da yaşayır və ingilis dilini mükəmməl bilir.

Cənab
Tomas Enqelhardt

2006-cı ilin sentyabr ayından etibarən AccessBank Müşahidə Şurasının üzvüdür. Bundan əvvəl o, AccessBank-ın yaradıldığı vaxtdan bəri bankın Baş Meneceri olub. O, AccessHolding İdarə Heyətinin sədri, LFS Financial Systems şirkətinin isə İcraçı Direktorudur. LFS-də o, 1996-cı ildən etibarən çalışır və AccessBank-ın yaradılmasına və təşkilinə görə məsul şəxs olub. Bundan əvvəl cənab Enqelhardt, Özbəkistanda, Azərbaycanda, Bosniya və Hersoqovinada həyata keçirilən Mikro, KOB və aşağı gəlirli layihələr ilə məşğul olub. Cənab Enqelhardt Berlində Azad Universitetini iqtisadiyyat sahəsi üzrə magistr dərəcəsi və Slavyan elmləri üzrə bakalavr dərəcəsi üzrə bitirib. Cənab Enqelhardt almandır və ingilis, alman və rus dillərini mükəmməl bilir.


Cənab
Rayner Müller-Hanke

Cənab Müller-Hanke 2014-cü ilin mart ayından etibarən AccessBank-ın Müşahidə Şurasının üzvüdür. O, Mərkəzi və Şərqi Avropa ölkələrində bankçılıq sahəsində 10 ildən artıq iş təcrübəsinə malikdir. Rusiyada Intesa Sanpaolo qrupunun bankı olan KMB Bankının Baş Direktoru (1999-2009) və Ukraynadakı Swedbank Bankının Baş Direktoru (2009-2013) vəzifələrində çalışıb. Onun əvvəlki iş təcrübəsi, həmçinin, Moskvadakı Almaniya-Rusiya Xarici Ticarət Palatasının İdarəetmə Komitəsinin üzvlüyünü və Beynəlxalq Məsləhətçilik Şirkətində Baş Bank Məsləhətçisi vəzifələrini, eləcə də AYİB Rusiya Kiçik Biznes Fondu Proqramının Həmsədri və bir sıra Rusiya banklarında Baş Məsləhətçilik Koordinatoru funksiyalarını ehtiva edir. Cənab Müller-Hanke Azad Berlin Universiteti (Freie Universität Berlin) iqtisadiyyat üzrə magistr dərəcəsinə layiq görülüb, Heydelberq və Madrid Universitetlərində iqtisadi təhsil alıb. Alman, ingilis, rus və ispan dillərini mükəmməl, italyan dilini yaxşı bilir .

Xanım
Yeva Vitt

2011-ci ilin sentyabrından etibarən АссessBank Müşahidə Şurasının üzvüdür. 1995-ci ildə KfW təşkilatında çalışmağa başlayıb, 2010-cu ildən isə KfW-nin Şərqi Avropa, Qafqaz və Mərkəzi Asiya üzrə Direktorudur. Xanım Vitt beş istiqamətdə: maliyyə sektoru, energetika, şəhərin inkişafı, ətraf mühit və səhiyyə sahələrində dövlət strategiyasının hazırlanması üzrə məsul şəxsdir. O, həmçinin, Qafqaz Təbiət Fondunun Direktorlar Şurasının sədridir, bundan əvvəl isə AccessHolding İdarə Heyətinin üzvü olub. Xanım Vitt Gissen Universitetinin Biznes Administrasiyası üzrə magistri dərəcəsinə layiq görülüb. Milliyyətcə almandır. Alman, ingilis və ispan dillərini mükəmməl bilir.

Haqqımızda

KREDİT KALKULYATORU
KREDİT SİFARİŞİ
30.05.2017
NAĞD NAĞDSIZ
ALIŞ
$ USD 1,6510
€ EUR 1,8490
£ GBP -
₽ RUB -
SATIŞ
1,7110
1,9253
-
-

Mükafatlar

AccessBank-ın təltif olunduğu mukafatlarla burada tanış ola bilərsiniz.

Müraciət

Şikayət və ya təkliflərinizlə bizimlə bölüşmək üçün bu səhifəyə daxil olun

Xəbərlər arxivi

Bu səhifədə Siz, Bankın xəbərləri ilə tanış ola bilərsiniz.

KİV-Mərkəzi

Burada Siz yeniliklər, reklam xarakterli məlumatlar və digər materiallarla tanış ola bilərsiniz.

Vakansiyalar

Cari vakansiyalar barədə məlumat almaq üçün elanlarımızı izləyin.

AccessQazanc

Nağdsız ödəniş edərkən pul qazanmaq?!

Ən sərfəli təkliflər və xəbərlər barədə məlumatları birinci almaq istəyirsiniz?
АccessBank-ın yeniliklərinə abunə olun!

Ad və soyad daxil edin!
Düzgün e-mail ünvan daxil edin!
Düzgün e-mail ünvan daxil edin!
Siz uğurla abunə oldunuz!