Azərbaycan Mikromaliyyələşdirmə Bankı (AMMB) QSC 29 oktyabr 2002-ci ildə Bakıda fəaliyyət göstərməyə başlayıb. 8 sentyabr 2008-ci il tarixindən Bank adını dəyişdirərək öz fəaliyyətini «AccessBank» olaraq davam etdirməyə başlayıb. Bank qısa müddət ərzində sürətlə inkişaf edib və nəticədə böyük nailiyyətlər əldə edib. Aşağıda ən zəruri inkişaf mərhələləri göstərilir.

2023

Azərbaycan Banklar Assosiasiyası (ABA) AccessBank-ın Access2Success layihəsini 2022-ci ilin “Ən fəal maliyyə savadlılığı dəstəkçisi” seçdi.
AccessBank Avropanın nüfuzlu investisiya şirkəti Enabling Qapital Ltd ilə 17 milyon AZN dəyərində kredit müqaviləsi imzaladı.
Visa AccessBank-ı nağdsız əməliyyatların effektiv təşviqi, həmçinin uşaq və yeniyetmələr üçün myCard Junior kartlarının istifadəyə verilməsi üzrə nominasiyalarda xüsusi mükafatlara layiq gördü.
AccessBank-ın depozit portfeli milyard həddini keçdi.
AccessBank əsas səhmdarı olan Asiya İnkişaf Bankının (AİB) dəstəyi ilə qadın sahibkarlar üçün nəzərdə tutulmuş ikinci Access2Success layihəsini reallaşdırdı.

2022

AccessBank Azərbaycan Respublikasının Mərkəzi Bankı və Azərpoçt-la birlikdə ilk dəfə tətbiq olunan Agent bankçılıq layihəsinə qoşuldu
AccessBank-ın qadın sahibkarlar üçün nəzərdə tutulmuş ilk Access2Success layihəsi fəaliyyətə başladı.
AccessBank BMT-in Qadınların Səlahiyyətlərinin Genişləndirilməsi Prinsiplərinə (WEPs) qoşuldu. AccessBank BMT-nin Qlobal Sazişi və Qadınlar üzrə Agentliyi tərəfindən hazırlanan bu prinsiplərə dəstək olan ilk yerli bank oldu.
Prezident İlham Əliyev “Azərbaycan Respublikasının Hökuməti, “Masdar Azərbaycan Enerji” Məhdud Məsuliyyətli Cəmiyyəti və “AccessBank” Qapalı Səhmdar Cəmiyyəti arasında İnvestisiya müqaviləsinə dair Birbaşa Razılaşma”nın təsdiq edilməsi haqqında Sərəncam imzaladı.
AccessBank mövcud səhmdarlarının yeni investisiyası hesabına kapital bazasını 11,4 milyon manat artırdı. Kapitalın artırılması nominal dəyəri 1 AZN olan 11 388 889 AZN imtiyazlı səhmlərin buraxılması ilə baş tutdu.
AccessBank ölkədə aqrar sektorun inkişafına yönəlmiş ilk tematik istiqrazların emissiyasını reallaşdırdı. İstiqrazlar 5 milyon ABŞ dolları həcmində, 18 ay müddətinə, illik 5.5% kupon dərəcəsi ilə emissiya edildi və tam olaraq yerləşdirildi.
AccessBank sayca 30-cu filialını Naxçıvan şəhərində açdı.
AccessBank sayca 31-ci filialını Qəbələ şəhərində açdı.

2021

Tele-radio aparıcı Tural Yusifov AccessBank-ın yeni siması seçildi.
David Tsiklauri AccessBank-ın İdarə Heyətinin Sədri vəzifəsinə təyin edildi.
AccessBank-ın 29-cu filialı Şəmkir şəhərində fəaliyyətə başladı.

2020

AccessBank Koronavirusla Mübarizəyə Dəstək Fonduna 250 000 manat köçürdü
AccessBank Azərbaycanın ərazi bütövlüyünün bərpası üçün 200 000 AZN ianə etdi
AccessBank pandemiyadan zərərçəkmiş bizneslərin kredit ödənişlərinə xüsusi güzəşt tətbiq etdi
Dünyaca məşhur qrossmeyster Şəhriyar Məmmədyarov AccessBank-ın rəsmi siması oldu
AccessBank “The Banker” tərəfindən 5-ci dəfə "İlin Bankı" seçildi

2019

AccessBank-ın 2020-2022-ci illər üzrə strateji inkişaf planı təsdiqləndi
AccessBank səhmdarlarının yeni strukturunu açıqladı
AccessBank "Raiffeisen Bank International AG" tərəfindən nüfuzlu "STP Quality Award" mükafatına layiq görülüb
AccessBank-ın Müşahidə Şurası yenidən formalaşdırıldı

Daha çox göstər