Kreditlər
Depozitlər
Kartlar
Onlayn xidmətlər
Digər xidmətlər
AZ
EN RU

Access2Success: qadınlar üçün biznesdə yeni başlanğıc

6 iyul 2022

AccessBank-ın qadın sahibkarlar üçün nəzərdə tutulmuş Access2Success layihəsi uğurla başa çatdı. Sahibkarlığa ilk addımlarını atan qadınların inkişafına yönəlmiş layihədə iştirak üçün 250-ə yaxın namizəd müraciət etmişdi. Onlardan tələblərə cavab verən 53 nəfər təlimlərə qatıldı. İştirakçılar turizm, təhsil, qida, səhiyyə, eko məhsullar, geyim və aksessuar kimi sahələri təmsil ediblər.

5 həftə davam edən Access2Success layihəsində qadın sahibkarlar biznesin strateji inkişafı, böhran dönəmində idarəçilik, dövlət qurumlarına hesabatların verilməsi, satış, marketinq, elektron ticarət, kadrların idarə edilməsi, biznesə nəzarət və s. kimi mövzularda 40 saatdan çox dərslər keçirilib. 23-65 yaş aralığında olan iştirakçı qadın sahibkarlar ekspertlərdən nəzəri biliklər əldə etməklə yanaşı, həm də praktik məşğələlərdə iştirak ediblər.

Təlimin son günlərində iştirakçılar seminarlar ərzində öyrəndikləri nəzəri bilikləri gələcək bizneslərində necə tətbiq edəcəkləri barədə təqdimatlarla çıxış etdilər. Yekun tədbirdə AccessBank rəhbərliyi və proqramın mentorları qoşularaq iştirakçılara işlərində uğurlar arzu etdilər.

Qeyd edək ki, Azərbaycanda mikromaliyyələşdirmə lideri olan AccessBank may ayında qadın sahibkarlar üçün rəqabətli biznes mühitinin təkmilləşdirilməsi ilə bağlı təlim proqramına başlamışdı. Bankın məqsədi mikro, kiçik və orta biznesləri idarə edən və onları genişləndirmək niyyətində olan xanımları dəstəkləməkdir.

Paylaşmaq